Buscamos persoa titulada en Traballo Social para o CIEMA Lugo, recurso especializado en executar medidas en medio aberto con menores infractores da Provincia de Lugo

Funcións principais

• Avaliar a situación sociofamiliar da persoa menor e elaborar os informes vinculados á medida xudicial.

• Informar e orientar á persoa menor e á súa familia sobre recursos e axudas sociais, facilitando o acceso á rede comunitaria.

• Deseñar e coordinar itinerarios formativos e de inserción sociolaboral, así como programas de mellora da empregabilidade.

• Tramitar documentación e permisos administrativos, e xestionar a acreditación persoal ante organismos competentes.

• Coordinarse con servizos sociais, entidades públicas e recursos comunitarios, especialmente en situacións de vulnerabilidade.

• Ofrecer apoio técnico ao equipo do CIEMA durante o proceso da intervención educativa.

• Xestionar o Plan de Voluntariado

• Favorecer a integración social da persoa menor, reforzando as súas competencias persoais, sociais e familiares.

Requisitos

• Diplomatura ou Grao en Traballo Social.

• Coñecementos de informática a nivel usuario.

• Carné de conducir.

• Certificado negativo do Rexistro Central de Delitos de Natureza Sexual.

• Dominio do galego oral e escrito.

Actitudes, habilidades e rasgos persoais

• Capacidade para transmitir confianza, empatía, proximidade e estabilidade.

• Tolerancia ao estrés e á frustración.

• Actitude aberta e respectuosa cara ás diferenzas individuais.

• Discreción, prudencia e capacidade de toma de decisións e negociación.

• Capacidade para aprender e formarse de maneira continua.

• Capacidade para traballar en equipo.

• Habilidade para elaborar documentación.

• Capacidade para afrontar intervencións en situacións de crise.